獨闖冰島Day 4 -Golden Circle

今日好開心，雖然天陰陰，但起碼唔洗Cancel Tour今次我報左IGtour IS 既Golden Circle Tour, 7900ISK=$520 HKD,玩7-8個鍾到。

IGT 係一間family run既小型公司，佢尼一個價錢確保你係坐小巴的，small group正:) !

基本上全日的行程都走在最前，成功趕係其他大型公司之前，所以我好多相都唔太多Tourist係入面:)

行程第一個地方會先到火山口湖 Crater kerid.

Crater kerid

之後到左一個較小型的瀑布：Waterfall Faxi



Gullfoss

去完Waterfall Faxi 極之速睇一睇之後，我地就出發到今日既主菜Gullfoss (Golden Falls)。雖然會途經Geysir, 但Geysir 會放留番回程先睇。
個人黎講，可能因為我之前睇過加拿大既Niagara Falls，今次睇Gullfoss 無左種震撼感....
雖然係咁，但我都覺尼個瀑布幾靚，夏天天氣好既話應該會靚好多 :)

要多謝圖中尼個女士，我地今日先有得咁近欣賞尼個瀑布:)

上樓梯可到更高的位置觀賞瀑布，左邊是餐廳和紀念品店等，右邊可以一直沿左山邊走到很遠的。

今日仲係超大風 企都企唔穩，好彩風既方向唔係吹向瀑布，如果唔係就隨時都人都吹埋落去 （之後行既地方無圍欄的)

我覺得尼個裂縫幾特別:)

Geysir

包埋食lunch時間，大約停留左係Gullfoss 約一個半小時。因為我自己一個人，所以lunch 可以好flexible咁只買個三文治留番上車食，其餘時間用黎周圍行下XD

去完Gullfoss之後就去今日第二個重點，間歇泉Geysir。整個間歇泉區大幾有500個大大小小的間歇泉，但最出名就係圖下果個Great Geysir，佢最高可以噴到70米高@@



大家欣賞間歇泉有一點很重要既野要記住，留意你企既位置和當時風向，否則一頭滾水淋身 (會灼傷的),或者你可以留意下大部份人企的位置，就好似圖下咁，其實我企既位置就係水會噴向的地方 =口='''...另外大家都唔好嘗試測試下流出黎d水既水溫，因為都係好熱的...

好啦~ 3 , 2 ,1 噴呀噴!

Great Geysir 大約每10-15分鐘噴一次，睇左兩次之後，我就行上山睇下其他唔會噴既Geysir.

你可能會問點解佢噴得好似唔係好高，其實主要係因為風，d水一噴出黎就俾風吹走，如果無風會高好多好多:(

Icelandic Horse

睇完Geysir，之後就準備出發到Thingvellir National Park睇板塊~但到Thingvellir National Park既途中，我地係一個養冰島馬的地方停一停 :) 正！唔洗俾錢騎冰島馬都可以近距離同佢地接觸。根據導遊講，冰島的冰島馬身上流既血都係純正的，係由維京時期一直流下來，無混種過@@ 因為冰島一直禁止任何馬進口冰島，佢地只做出口的生意，冰島緊一旦出口左，就無得番去了~
另外，冰島馬雖然size好似Pony，但冰島人唔鐘意人地話d馬係Pony。

伸俐好Cute XP

超型仔@@


Thingvellir National Park

到達Thingvellir National Park lu~ 主要睇圖下的一大排露出地面的大石。果排大石係北美板塊的最東邊來的。

其間會經過大西洋中洋脊(Mid-Atlantic Ridge),及之間的裂隙



結了冰的河~中途我一個唔小心叉錯腳..整到隻腳濕左，凍鬼死我...

今日Reykjavik都係多雲，無任何極光既Tour~夜晚無咩野做就早d訓算...