獨闖冰島Day 3- 暴風雪中Reykjavik城市遊

再一次....本來今日一早plan左去Golden Circle 既tour。
但我起身落去樓下食早餐果陣，老闆娘同我講因為出面超級大風雪今日既Tour要取消, 改做聽日...我當堂個人灰曬:( 點解會咁黑仔...唔知今日有d咩野做到......
我當時用Iphone check下個風速...61mph, 就快去到10號風球=口=''

想知幾大風,可以睇下我之後拍的兩段片 (注意：請先調細音量)我企都企唔穩...

琴日Reykjavik 明明少少雪都無，今朝一起身向出窗外，白茫茫一片......



我食完早餐之後就上下網，寫下日記...
Hea到十二點到，決定食個杯面之後就出去行下。因為其實之後都再無時間係City入面行.
我用Google Map plan左一條約一個鐘既行程，探索一下 Reykjavik.
下圖係我大約的行程，大部份都係到此一遊算，真係太大風了....


普遍街上的行人唔多, 係咁既天氣仲係出面行, 9成都係好似我咁傻既遊客 XD
係街到行，大家都用頸巾包到自己得眼同鼻，因為有時風吹果d唔係雪粉，而係細冰粒=口=''
有時咁岩打落眼到，超痛......











Holavallagareur cemetery
根據正門口的簡介牌，入面係有幾個特別的墓的。但係我行左一小段路就放棄Lu...
因為入面條路積雪太深，我成半隻腳插曬落d雪到...
加上有d寒風吹襲，一個人既我有少少淆底...
都係無謂打搞人地啦，速速離開~



Reykjavik City Hall
其實個City Hall咩都無野睇，我連相都無影一張 :(
只係影左City Hall旁的水池，一晚就將成個水池結左冰@@ 強...





又番到海邊了，d風又再增強..Crazy...

成個海邊十個人都唔知有無...

Sun Voyager

這是一架代表著希望，前進和自由的夢想之船。係1986年一個慶祝Reykjavik城市二百週年的一個室外雕像比賽的獲獎設計來的。1990年擺放到而家~





去完海邊，之後去左Shopping街(Hverfisgata) 走一走。沿路有不少特色的小店，Cafe，同埋一d 小區等等~

今晚終於忍唔住要食番餐好既XD食完即刻無曬因為天氣差既唔好心情:)
事先上左Trip Advisor睇到附近有邊d 餐廳建議的，今次我去既尼一間係Trip advisor第一位的。
雖然都幾貴下，但一餐半餐無所謂啦，橫掂食左咁多餐杯面，條數Balance番:)





今次我叫左 Grilled and Deepfried Icelandic Lobster with Catfish + 一杯Hosue wine既白酒 :)
我埋單果陣無野做,睇下本Tourist Guide有咩餐廳介紹果陣，俾我發現左張 15%off既 Coupon XD 我即刻俾Waitor, 正 !









Harpa(Concert Hall)
食飽之後，個人充滿能量，可以再落海邊挑戰@@
今次目的係為左影Harpa-Concert Hall 的夜景, 佢外牆既燈晚上會轉色的 :)

Skyr

番到B&B, 試食我今日係超市買的Skyr. Skyr係冰島傳統的Yogurt(嚴格上不是Yogurt)，功效相似於大家平時食既Yogurt.
冰島人話Skyr比普通的Yogurt更健康，更多Protein.
主要Skyr有兩類，一款是比較液體狀的，直接飲，好似下圖咁。
另一種係較thick 同Creamy的 。
個人都係鐘意飲的，因為較方便和快 XP